மர(ன)ம்

மரம் தனது அன்பை
அயலிலுள்ள உயிர்களுக்குத்
தருகிறது… பூக்கள், காய்கள்,
பழம் விதையாய்;
இதநிழலாய்;
கிளைகள் இலைகள் அசையவரும்
காற்றாய்;
கமழுகிற பூமணமாய்;
இனிமைமிகு
தேனாய்;
பட்டைகளில் பூச்சி புழு தங்க
இருப்பிடமாய்;
நாங்கள் மனிதர் இதன்மீது
இருக்கும்நம் அன்பை
எப்போதும் காட்டினோமா?
இரக்கமேதும் கொண்டோமா? இல்லை…”அதில் என்ன
பிடுங்கிடலாம் இலாபம்”
என அதனின் நிழலடியில்
அமர்ந்தபடி யோசிப்போம்!
அப்பொழுதும் அதுநல்கும்
பழம் காயை எடுத்துண்போம்!
சுவைப்போம்!
பசிதணிப்போம்!