Archive for the ‘நிகழ்வுகள்’ Category

வீடு

காதலின் கீதங்கள் காற்றினில் என்றுமே
காவியம் பாடிட வேண்டும்.
கருணையும் அன்பதும் கட்டிப் பிடித்தெங்கள்
கன்னத்தில் கொஞ்சவும் வேண்டும்.
வாழ்கின்ற காலங்கள் வரையறை கொண்டவை
வாழ்க்கை வரம்; அது மீண்டும் Read the rest of this entry »

பசி

சிங்கங்கள் மீண்டும் சிலிர்த்தெழுந்து
கர்ச்சித்து
தங்கி…இதுவரையும்
அமைதி தவம் செய்த
குகைவிட்டுக் கோபமுடன்
குமுறி வெளிவந்து
திகைத்த திசைகளைப் பார்த்து
“தேடி இரைபிடித்துக்
கொண்டுடனே வாருங்கள்!
கொண்டுவரும் வரை பசித்தீ
கொழுந்து விட்டெரியும்” எனக் கொதித்து
மயிர் சிலிர்ப்பி நிற்க…
எழுந்து மிரண்டதிர்ந்த
நரி ஓநாய் காகங்கள்
“ஏன் சோலி பொல்லாப்பு ஏன்”
என்று கலந்துபேசி
ஆதிக் கதைபோல….
நாளுக் கொரு இரையைப்
போடத் துணிந்தன காண்!
புது இரைகள் முன் கதைபோல்
போகுமோ தினமும் ஒன்றாய்?
புகைந்து இன்று கொழுந்துவிட்டுச்
சீறும் பசித்தீ அடங்குமட்டும்
சீயங்கள்
ஓயுமோ?
பொறுமை இழந்து ஊருள் புகுந்து
தின்னப்
பாயுமோ?
யார்தான் அறிவார் பராபரமே?

வரம்

“என்ன வரம் வேண்டும்”
என்றிறைவன் கனவில் வந்தான்!
என்ன வரம் கேட்கலாம் என்று
மிகக் குழம்பி
என்ன பெரிதாகத் தரப்போறான்
எனத் தயங்கி
“என்ன வரம் வேண்டுமென
இறைவனையே கேட்கின்ற
அந்த மனம் வேண்டுமென்றேன்”!
ஆடிப்போய் மறைந்த அவன்
இன்றுவரை வந்ததில்லை
என்கனவு நனவு தன்னில்!
சின்ன வரங்களேனும் தேடிப்
பெற ஏங்கி
என் தவங்கள் தொடருதின்றும்….
இன்னுமொரு சந்தர்ப்பம்
என்று வரும் என்று …வாய்ப்பைத்
தவறவிட்ட அங்கலாய்ப்பில்!

தர்மம்

தருமர் மட்டுமா உலகில் இருக்கிறார்?
சகுனி களாகவே அநேகர் திரிகிறார்!
தருமர் …தருமம் நீதி என நிற்க
சகுனிகள் சூழ்ச்சி செய்தே ஜெயிக்கிறார்!
தருமர் மட்டுமே வாழும் உலகுக்கு
தருமம் சரி; ஆனால் சகுனிகளே மிகப்
பெருமளவில் புழங்கும் உலகினில்
பிழைக்க சூழ்ச்சியும் கற்பதே நல் வழி! Read the rest of this entry »

கோடை

ஆறென்னும் பாம்பு அசைந்து நெளிந்தோடித்
தூரக் கடற்புற்றில்
தொலைந்த கடும் கோடை!
பாம்பின் தடம் மட்டும் பார்க்கக் கிடக்குதின்று!
பாம்பின் உரிந்து காய்ந்த Read the rest of this entry »

பகைமையை வீழ்த்தல்

பகைமை என்பது பகைமையால் தீர்ந்ததாய்
பாரில் சம்பவம் சரிதம் எதுமில்லை.
பகையை மேலும் பகைத்து வளர்ப்பதால்
பாவம் பழி மிகும்; யாரும் உணரலை!
பகையுணர்வு சிறு பொறி யாகவே
பதுங்கினும்…ஐயம் கோபமாம் காற்றுகள்
புகையை மூட்டி எரித்துப் பொசுக்குமாம்!
போரைத் தூண்டுமாம், சாவைப் படைக்குமாம்!

வாழ்க்கைக் குப்பை மேட்டில்…பகைப்பொறி
மறைந்தடியில் கிடக்கும் வரை…அது
நாளும் புகையும்; இடைக்கிடை தீப்பற்றும்;
நன்கு…நீரினைக் குப்பை மேட்டின் மேலே
வீசி இப்பொறி நூராது! குப்பையை
விழுத்திப் புரட்டி அடிப் பகைப் பொறியிலே
நீரைப் பீய்ச்சி அடித்து அணைத்திடில்
நிரந்தரப் பகை நெருப்பும் அணையுமாம்!

பகைமை வீழ்த்தப் பகைமை பாராட்டுதல்
பண்பு அல்ல…ப (வ)ழக்கம் அதுவல்ல!
பகையை நூர்க்க குறித்த முறைகளைப்
பயன்படுத்தினும் மிஞ்சிடும் தோல்வியே!
பகை மனங்களில் அன்பு நீர் தூவியே
பகல் இரவெலாம் காயாமல் பார்த்திடில்
பகைத்தணல் நூரும்! பாசம் துளிர்த்திடும்!
பகைமை வீழ்த்திட அன்புதான் ஆயுதம்!

தட்டுப் பாடு

எப்போ வரும் போகும்?
என்று தோன்றும் மறையும்?
எப்போ உறங்கும்?
எப்போ விழித்தெழும்பும்?
என்று எவரறிவார்?
போர்நாளில் திடீரென்று
மண்ணெண்ணை, பெற்றோல், சவர்க்காரம்,
மா, சீனி,
மின்சாரம், மர்மமாய்
விலகி மறைந்தது போல்…,
அத்தியா வசியங்கள் அகன்று
பதுங்குதல்போல் ..,
தட்டுப்பா டெழுவது போல்…, தான்
சமூக வலைத்தளங்கள்
கிட்ட வெடிச்சத்தம் கேட்டால்…
ஒருதுயரம்
எட்ட நடந்தால் இருள்கிறது!
ஒரு செய்தி
நொட்ட… மறுகணமே நூர்கிறது !
வலைவீரர்
திட்டத்தாலா திசைகள் தீய்கிறது?
உண்மைக்கும்
தட்டுப் பாடின்றேன்
அடிக்கடி வருகிறது?

ஓர் புள்ளிக் கோலம்

புள்ளியொன்றில் தொடங்கிடுது கோலம்.
புதிதாகப்
புள்ளிகளை வைக்க வைக்க
புலப்படுது புதுக்கோலம்!
Read the rest of this entry »

வரங்கள்

கூடியிருந்தே மனது…குலவுகிற வாழ்வும்
கோவிலிலே விளைந்து நீதி சொலும் ஆழ்வும்
தேடி அலையாமல் எமை சேருகிற காசும்
தேகமதில் நோய்களற்ற நாளும்….வரமாகும்!
Read the rest of this entry »

தொலைந்த சுவைகள்

முதல் முத்தம் போல முதலில் சுவைத்த உருசி
மறக்காது என்றென்றும்.
மறக்கவில்லை இன்றைக்கும்!
இளமையில் …இற் றைக்கு முப்பது ஆண்டின்முன்…
சுவைத்த சுவை…நாக்கின் அரும்புகளின்
ஞாபகத்தில்
இருக்கிறது இன்றும்! Read the rest of this entry »

இன்றும் சுடும் சொல்

ஒவ்வொரு சொற்களுக்கும் ஒவ்வொரு அர்த்தமுண்டு.
ஒவ்வொரு சொற்களுக்கும்
ஒவ்வொரு பொருட்களுண்டு.
“ஒருசொல் உடலென்றால்”
உயிர்அதன் பொருளென்பேன்.

கூத்தாடிகள்

சாகக் கிடப்பவனை சத்திர சிகிச்சைசெய்தோ
ஏதும் மருந்துபோட்டோ
எழுப்ப முயலாமல்
“நான்பெரிதா நீபெரிதா” என்று…
துடிதுடிப்போன்- Read the rest of this entry »

கண்ணீரின் காரணம்

நண்பா நினது இருவிழிப் படகுகளும்
கண்ணீரில் ஆடிக்
கிடந்தன நெடுநேரம்!
இடைக்கிடை இமையின்
அணையுடைத்துத் துளிகசிந்து Read the rest of this entry »

கலைத்தாயின் திருக்கோவில்

நூறு அகவைதாண்டி நோகாமல் நொடியாமல்
சீரால் சிறப்புகளால்
நாளும் செழிப்புற்று
ஏறு முகமாக எழுச்சிபெற் றுயர்ந்துசெல்லும்
யாழ்இந்துத் தாயின்
யௌவன அருட்கழலில்
ஆறி அமர்கையிலே… Read the rest of this entry »

சமீபத்திய பதிவுகள்
கவியரங்கக் கவிதைகள்
பெரியோர்கள் போற்றுதும்..
எனது புதிய பதிவுகள்
ஒலிப் “பதிவு”
ஒளிப்பதிவு



வெளியீடுகள்

முகப்புத்தகத்தில் தொடர
வருகைதந்தோர்
  • 65685Total reads:
  • 48641Total visitors:
  • 0Visitors currently online:
?>